Церковнославянская АЗБУКА.

Аз есмь Путь, Истина и Живот:
никтоже приидет ко Отцу, токмо Мною.
(Евангелие от Иоанна 14:6)

Ижица Вознесение Господнее
ФитаВоскресение Иисуса Христа
Пси, КсиПогребение Иисуса Христа
Кресный путь Иисуса Христа
УзыИисус Христос на суде у Понтия Пилата
IАтьРаспятие Иисуса Христа
Ша, ЩаИисус Христос на суде у Каифы
ЧервьМоление о Чаше
ЦыВзятие Иисуса Христа под стражу
ХерИисус Христос омывает ноги ученикам
ФертИзгнание торгующих из храма
У, УкТайная Вечеря
ТвердоУстановление таинства причащения
СловоВход Господень в Иерусалим
РыбаЧудесный лов рыбы
ПокойПреображение Господне
От, О, ОнВоскрешение Лазаря
НашУмножение хлебов
МыслетеМария изливает миро на Иисуса Христа
ЛюдиХождение по волнам
КакоВоскрешение дочери Иаира
ИУкрощение бури
ИжеИсцеление расслабленного
Зело,ЗемляБрак в Кане Галилейской
ЖиветеКрещение Господнее
ЕстьОтрок Иисус в храме
ДоброБегство в Египет
Глаголь Сретение Господне
Веди Поклонение волхвов
Буки Рождество Христово
АзБлаговещение Пресвятой Богородицы

 

Аминь бо глаголю вам: дондеже прейдет небо и земля, иота едина, или едина черта не прейдет от закона, дондеже вся будут.

Иже аще разорит едину заповедий сих малых и научит тако человеки, мний наречется в Царствии Небеснем: а иже сотворит и научит, сей велий наречется в Царствии Небеснем.

Глаголю бо вам, яко аще не избудет правда ваша паче книжник и фарисей, не внидете в Царствие Небесное.

Слышасте, яко речено бысть древним: не убиеши: иже аще убиет, повинен есть суду.

Аз же глаголю вам, яко всяк гневаяйся на брата своего всуе повинен есть суду: иже бо аще речет брату своему: рака, повинен есть сонмищу: а иже речет: уроде, повинен есть геенне огненней.

Аще убо принесеши дар твой ко олтарю и ту помянеши, яко брат твой имать нечто на тя: остави ту дар твой пред олтарем и шед прежде смирися с братом твоим, и тогда пришед принеси дар твой.

Буди увещаваяся с соперником твоим скоро, дондеже еси на пути с ним, да не предаст тебе соперник судии, и судия тя предаст слузе, и в темницу ввержен будеши: аминь глаголю тебе: не изыдеши оттуду, дондеже воздаси последний кодрант.

Слышасте, яко речено бысть древним: не прелюбы сотвориши.

Аз же глаголю вам, яко всяк, иже воззрит на жену ко еже вожделети ея, уже любодействова с нею в сердцы своем: аще же око твое десное соблажняет тя, изми е и верзи от себе: уне бо ти есть, да погибнет един от уд твоих, а не все тело твое ввержено будет в геенну: и аще десная твоя рука соблажняет тя, усецы ю и верзи от себе: уне бо ти есть, да погибнет един от уд твоих, а не все тело твое ввержено будет в геенну.

Речено же бысть, яко иже аще пустит жену свою, да даст ей книгу распустную.

Аз же глаголю вам, яко всяк отпущаяй жену свою, разве словесе любодейнаго, творит ю прелюбодействовати: и иже пущеницу поймет, прелюбодействует.

Паки слышасте, яко речено бысть древним: не во лжу кленешися, воздаси же Господеви клятвы твоя.

Аз же глаголю вам не клятися всяко: ни небом, яко престол есть Божий: ни землею, яко подножие есть ногама Его: ни Иерусалимом, яко град есть великаго Царя: ниже главою твоею кленися, яко не можеши власа единаго бела или черна сотворити: буди же слово ваше: ей, ей: ни, ни: лишше же сею от неприязни есть.

Слышасте, яко речено бысть: око за око, и зуб за зуб.

Аз же глаголю вам не противитися злу: но аще тя кто ударит в десную твою ланиту, обрати ему и другую: и хотящему судитися с тобою и ризу твою взяти, отпусти ему и срачицу: и аще кто тя поймет по силе поприще едино, иди с ним два.

Просящему у тебе дай, и хотящаго от тебе заяти не отврати.

Слышасте, яко речено есть: возлюбиши искренняго твоего и возненавидиши врага твоего.

Аз же глаголю вам: любите враги ваша, благословите кленущыя вы, добро творите ненавидящым вас, и молитеся за творящих вам напасть и изгонящыя вы, яко да будете сынове Отца вашего, Иже есть на небесех: яко солнце Свое сияет на злыя и благия и дождит на праведныя и на неправедныя.

Аще бо любите любящих вас, кую мзду имате? Не и мытари ли тожде творят?

И аще целуете други вашя токмо, что лишше творите? Не и язычницы ли такожде творят?

Будите убо вы совершени, якоже Отец ваш Небесный совершен есть.

Евангелие от Матфея. Нагорная проповедь.